Kryetari i Aleancës për Ardhmërinë e Kosovës, Ramush Haradinaj, ka kërkuar nga kryeministri në detyrë, Albin Kurti të mos e shpenzoj afatin 30 ditor pa konstituim të Kuvendit të Kosovës.
Pas dështimit të 41-të në Kuvend, Haradinaj ka thënë se Kurti ka vendosur mos ta krijoj shumicën dhe mos ta zgjedh kryeparlamentarin brenda afatit të përcaktuar kohor nga Kushtetuesja.
“Me 61 vota e zgjedhim kryetarin, nëse nuk i bën ai na i harxhon këto 30 ditë pra na mban peng. Është mirë ose me e bë shumicën, 61 votë ose me lëshu rrugë, pra të mos na i harxhojë këto 30 ditë pa konstituim të Kuvendit, sepse pasojat janë të mëdha. Mirëpo po shihet se ai e ka vendosur që t’i harxhojë këto 30 ditë pa e bë shumicën, se krijon shumicën parlamentare dhe pa e zgjedh kryetarin e Kuvendit”, ka deklaruar Haradinaj.
