Bersant Celina nuk e ka ndërmend të largohet nga AIK-u i Suedisë, përkundër ofertave nga skuadrat e vendeve tjera.
28-vjeçari ka thënë se është në negociata për rinovimin e kontratës me AIK-un, dhe po shpreson që sa më shpejtë të arrihet marrëveshja mes palëve.
Dëshira e tij është që të mbetet te skuadra suedeze të paktën deri në vitin 2027, pasi kontrata aktuale i skadon vitin e ardhshëm.
Celina ka insistuar se ka parasysh interesimin e klubeve tjera, por fokusi i tij është tek AIK-u për shkak se është i vendosur ta vazhdoj karrierën në kampionatin e Suedisë.
Ai në verën e vitit 2023 iu bashkua AIK-ut dhe ka treguar paraqitje të mira, ku në sezonin aktual ka shënuar 2 gola dhe ka bërë 3 asistime në 14 ndeshje kampionale.
