Ministrja e Drejtësisë në detyrë, Albulena Haxhiu, ka reaguar pasi që ndaj gazetarit Valon Syla i dyshuar për dhunë në familje, Prokuroria nuk ka kërkuar paraburgim.
Masa ndaj Sylës është nga ana e Prokurorisë ka qenë “ndalim të afrimit te vendi apo personi i caktuar, përkatësisht viktima”.
E kjo sipas Haxhiu është bërë se Syla është figurë publike që sipas saj veprimi i Prokurorisë është i papranueshëm.
“Prokuroria nuk ka kërkuar paraburgim për dhunuesin Valon Syla, por ndalim të afrimit te vendi apo personi i caktuar, përkatësisht viktima. Mjafton të dalësh nëpër studio, që të trajtohesh ndryshe nga sistemi i drejtësisë.Këto veprime, përveç që janë të papranueshme, edhe i inkurajojnë dhunuesit që të vazhdojnë me veprime të dhunshme, sepse therrë në këmbë nuk i mbetet. Mjerim!”, ka shkruar ajo në Facebook.
