Instituti Kombëtar i Shëndetësisë Publike të Kosovës ka dhënë disa këshilla për pushuesit që shkojnë në det.
Sipas IKSHPK-së, këto këshilla do t’iu ndihmojnë të gjithëve që të kalojnë pushime sa më të rehatshme dhe të sigurta.
Përmes njoftimit është rekomanduar përdorimi i kremit mbrojtës nga dielli për ta mbrojtur lëkurën nga rrezet e dëmshme të diellit, pirja e sa më shumë ujë që të qëndroni të hidratuar gjatë gjithë ditës, mbajtjen e syzeve të diellit për mbrojtje të syve nga rrezet ultraviolet, shmangien e notit vetëm, kontrollimin e kushteve të detit, si dhe respektimin e sinjaleve dhe paralajmërimet e plazhit.
“Pushimet ndihmojnë në ruajtjen e shëndetit dhe mirëqenies së përgjithshme. Pavarësisht nga mosha apo aftësitë fizike, çdo pushues duhet të ketë mundësinë të shijojë kohën e tij pa shqetësime për rreziqet e mundshme. Pushimet në det janë një mundësi e mirë për t’u relaksuar dhe për të kaluar kohë të mirë me familjen dhe miqtë, por, që ato të jenë sa më të rehatshme dhe të sigurta për të gjithë, ndiqni këshillat”, thuhet në njoftim.
