Gjermania ka vendosur që ushtarët e saj në kuadër të KFOR-it të vazhdojnë kontributin e tyre në Kosovë.
Vendimi për zgjatjet ë mandatit edhe për një vit është miratuar në parlamentin gjerman.
Siç ka njoftuar gazetari i DW, Bahri Cani, 391 anëtarë të Parlamentit votuan pro zgjatjes, ndërsa 189 ishin kundër, kurse dy abstenuan.
“Deputetët e partive në pushtet (CDU/CSU dhe SPD) theksuan se misioni ushtarak gjerman në Kosovë është një histori suksesi dhe se duhet të vazhdojë. Ata theksuan gjithashtu se shteti më i ri evropian meriton një perspektivë të qartë evropiane. Në anën tjetër, përfaqësuesit e partisë ekstremiste djathtise, AFD dhe ata të Partisë Majtiste u pronuncuan kundër vazhdimit të mandatit të Bundeswehr-it në Kosovë, duke theksuar se “ky është një mision i dështuar dhe i panevojshëm’”, ka shkruar ai.
Misioni ushtarak gjerman me rreth 400 ushtarë në kuadër të KFOR-it gjendet në Kosovë që nga viti 1999.
