Tensionet e nisura ndërmjet Izraelit dhe Iranit ka ndikuar që çmimi i naftës në Kosovë të rritet për disa centë.
Një litër naftë në pompat e benzinës kushton nga 1 euro e 32 cent e deri në 1 euro e 24 cent.
E pas shtrenjtimi të karburanteve , Ministria e Tregtisë dhe Industrisë ka vendosur që të rregulloj çmimet e këtyre produkteve.
“Ky vendim është rezultat i mbikëqyrjes së vazhdueshme të tregut të naftës, përmes evidencave të përditshme të Doganës së Kosovës dhe raporteve nga ana e Inspektoratit Qendror të Mbikëqyrjes së Tregut, ku është evidentuar se ndryshimet e çmimeve furnizuese nga importi shpesh pasqyrohen në rritje të menjëhershme të çmimeve të shitjes, ndërsa nuk ndodh një reflektim proporcional në ulje kur çmimet furnizuese bien.Me këtë vendim është përcaktuar marzha tregtare maksimale e lejuar si në vijim: shitja me shumicë: deri në 2 eurocent për liter, shitja me pakicë: deri në 12 eurocent për litër”, thuhet në njoftimin e Ministrisë së Tregtisë.
Megjithatë, sipas kryetarit të Shoqatës së Naftëtarëve, çmimet veçse kanë filluar të biejnë.
“Pas marrëveshjes për armëpushim mes Iranit dhe Izraelit, tensionet janë ulur dhe çmimet e naftës kanë filluar të bien. Tregjet nuk po e shohin më si të afërt rrezikun për një luftë të madhe apo mbylljen e ngushticës së Hormuzit, që është rrugë kyçe për furnizimin me naftë. Prodhimi i lartë nga SHBA dhe kërkesa më e dobët nga Kina dhe Europa po e shtyjnë çmimin edhe më poshtë. Por nëse armëpushimi prishet ose ka ndonjë sulm në zonat e naftës, çmimet mund të rriten sërish shumë shpejtë”, ka thënë Berjani.
E të paarsyeshme shtrenjtimin e këtyre lëndëve djegëse, e sheh ish ministrit të Tregtisë, Ismet Mulaj.
“Ende pa u rritur çmimet në Berzhat ndërkombëtare në Kosovë është ndjerë ngritja e çmimit dhe kjo jo në mënyrë të drejtë por në mënyrë artificial kjo pasi tregtarët kanë qenë shumë më herët të furnizuar me karburante dhe nuk kanë pasur arsye të rrisin çmimet. Natyrisht natyra e tregut është që tregjet të frikësohen nga këto destibalizimet ndërkombëtare sidomos kur ka lufta të ndryshme reagojnë tregjet me shpejtë se sa që është normalja”, ka thënë Mulaj.
Të hënën, presidenti i SHBA-ve, Donald Trump, ka lëshuar një kërcënim të hapur për tregtarët e naftës, duke u thënë këtyre të fundit të mbajnë çmimin e naftës në nivel dhe të mos e rrisin atë.
