Kryetari i Partisë Demokratike të Kosovës, Memli Krasniqi ka thënë se është urgjente një marrëveshje ndërmjet Kosovës dhe Serbisë me njohje reciproke.
Ai këtë e ka thënë në një takim me Përfaqësuesin e Posaçëm të Norvegjisë për Ballkanin Perëndimor, Eirik Nestås Mathisen.
Krasniqi ka njoftuar se në këtë takim është diskutuar edhe për zhvillimet aktuale politike.
“Diskutuam për zhvillimet e fundit politike në Kosovë dhe rajon. I shpreha qëndrimet e Partisë Demokratike të Kosovës në raport me shumë tema, përfshirë bllokadën politike dhe nevojën urgjente për një marrëveshje përfundimtare ndërmjet Kosovës dhe Serbisë, me njohjen reciproke në qendër të saj. Një rajon stabil dhe në paqe është parakusht për progresin e qëndrueshëm dhe për realizimin e aspiratave tona të përbashkëta si rajon për integrim të plotë në Bashkimin Evropian”, ka shkruar Krasniqi në Facebook.
