Për dështimin e konstituimit të kuvendit flet rrallë.
Kryeministri në detyrë, Albin Kurti në një paraqitje nga Podujeva të enjten i quajti deputetët e opozitës nomadikë që nuk duan të kenë shtëpi.
Meqë sipas tij, shtëpia e opozitarëve është parlamenti.
“Në këtë frymë më lejoni që deputetët opozitarë të cilët nuk po duan që Kosova të ketë Kuvend, pra që ata të kenë shtëpi, t’i quaj deputetë nomadikë, sepse nomadëd janë ata të cilët nuk dëshirojnë të kenë shtëpi. Mund të dëshirosh të kesh shtëpi e të mos kesh, të jesh refugjatë ta zëmë, por ata të cilët nuk duan të kenë shtëpi, janë nomadë, ky është thelbi i nomadit. Prandaj këta janë deputetë nomadikë të cilët nuk dëshirojnë të kenë shtëpi të tyre, sepse shtëpia, Kuvendi, Parlamenti i Republikës është shtëpia e deputetëve, sidomos opozitarë”, ka thënë Kurti.
E të enjten as tentativa e 34 nuk prodhoi rezultat.
Pas seancës Kurti u nis për në Klinë. Aty foli për Tëvë1 për dështimin e konstituimit të kuvendit.
Ai thotë që nuk mund të kthehen tek votimi për kryekuvendare pasi votimi ka ngelur tek komisioni i fshehtë.
Ndërkohë deputetët e opozitës së deritanishme po e fajësojnë Lëvizjen Vetëvendosje për bllokadën në kuvend duke i bërë thirrje partisë fituese që të reflektojë.
