Me 13 qershor, u lëshuan raketat e para.
Në këtë formë, Izraeli shënjestëroi figurat kyçe shtetërore të Iranit në Tehran.
Me të njërën monedhë, iu përgjigjën edhe iranianët.
E shkëmbimi i zjarrit në distancë, ka vazhduar edhe në ditën e pesë në mes Izraelit dhe Iranit.
Por, deri ku mund të arrijë konflikti i dy vendeve, të cilat para vitit 1979 kishin marrëdhënie të mira mes vete?
Njohësit e gjeopolitikës, thonë se situata mund të eskalojë shpejt.
“Sot kemi një situatë e cila mund të sjell të papritura dhe mendoj që goditjet dhe kundërgoditjet tregojnë që kemi hyrë në një gravurë, madje ka qenë një deklaratë e dy personaliteteve, të Netanyahut që thotë ikni nga Tehrani, dhe e Gardës Islamike që ia kthen ikni nga Tel Avivi. Mendoj qe kemi një situatë goxha të rëndë. A do të përfshihet Amerika? Po, nëse preken bazat amerikanë”, Lutfi Bilalli- njohës i politikave në Lindjen e Mesme.
“Kjo luftë rrezikon të zgjerohet në mënyrë të shpejtë, sepse asnjëra nga palët nuk ka llogaritur se si do të dal nga lufta, por si ka hyrë dhe në anën tjetër kërcënimi numër një, nuk është e çuditshme që të përdoret ndonjë bombë bërthamore, pasi tunelet në të cilat ndodhen centralet bërthamore të Iranit janë të gjitha shumë thellë dhe me bomba konvencionale nga ana Izraelite nuk arrijnë të eliminojnë. Frika ime është që lufta të dal jashtë kontrollit, deri më tani është në kontroll”, ka thënë Ilir Kulla, njohës i politikave në Lindjen e Mesme.
Por, cili duhet të jetë pozicioni i Kosovës, në ngjarjet e mëdha globale?
“Deklarimet për Gazan është një spektër tjetër, sepse atje kemi një situatë të rëndë dhe në aspektin humanitar duhet të ketë një ndjeshmëri dhe të jetë më korrekte. Ndërsa në raport me luftën Izrael – Iran, Kosova duhet të bashkëngjitet me deklaratat që jepen nga perëndimorët”, ka thënë Billalli
Ndryshe, sulmi izraelit mbi Iranin, erdhi pas gati dy vjet luftime në Gaza.
