U vra në Podgoricë 109 vjet më parë.
E për gati një shekull, varrin e kishte në shtetin malazez.
E kthimi i eshtrave të heroit Isa Boletini në vendlindje, nuk ishte i lehtë.
Puna nisi qysh në vitet e 90-të, nga mulla Asllan Murati.
Nipi i imamit të njohur, tregon se si Asllan Murati për 13 vjet i fshehu eshtrat e Isa Boletinit, nga pushtuesi serb.
“Mrena nate i kemi pru i kemi vendos në shtëpinë e të ndjerit, Mulla Asllanit, ku aty ka qenë një depo e druve, ku i kemi fshehur derisa kanë kërkuar institucionet me i dorëzua”, Nexhat Murati.
Për dy vjet, eshtrat e heroit në shtëpinë e tij i mbajti edhe Vesel Boletini nga Veriqi i Istogut.
Krejt para se në vitin 2015, Isa Boletini të rivarrosej përfundimisht në oborrin e kullës së tij në Boletin.
VESEL BOLETINI – NGA VERIQI I ISTOGUT
0:25 Xhavit Boletini ka qenë shumë herë të na dhe kishte biseda dhe ndeja me babën, kështu që eshtrat erdhën në besim tek na, na besuan fort dhe nuk gabuan, sepse ne e donim Isën ma shumë se gjithçka.
E familja Boletini, u kthye serish në kullë të martën.
Krejt kjo për t’i pritur pasardhësit e veprimtarëve që kontribuuan në kthimin e eshtrave të Isa Boletinit në vendlindje.
“Ideja ka qenë që ne t’i mbledhim ato familje të cilat dhanë kontribut për sjelljen e eshtrave të Isa Boletinit nga Podgorica në Kosovë. Dhe sot e kemi familjen e akademik Ali Hadri, Pajazit Nushit, familjen e profesor Muhamed Shukriut, familjen e Mulla Asllan Muratit e familje të tjera”, ka thënë Gazmend Boletini.
Por, sa mbaheshin sekret bisedat për kthimin e eshtrave të heroit në Boletin?
“Unë isha fëmijë dhe shkoja vazhdimisht prapa derës për t’i dëgjuar të rritur se cfarë po bëjnë. Kjo ishte shumë sfiduese sepse e kuptonim se dicka po ndodh në shtëpinë tonë, por nuk po e dimë cka. Në fund e dëgjuam një emër dhe mbiemër, Isa Boletini!”, ka thënë mbesa e Muhamed Shukriut.
