Sipas njoftimit thuhet se substanca e dyshuar narkotike është e llojit heroinë dhe pesha e saj është 835.4 gram.
“Policia e Kosovës, konkretisht hetuesit e Sektorit qendrorë të antidrogës në Prishtinë pas një pune hetimore dhe operative sonte me datë 24.05.2022, në Graqanicë kanë ndaluar një automjet të dyshuar VË CADDY ngjyrë e bardhë, me targa vendore dhe gjatë kontrollit në ulësen e pasagjerit është gjetur një qese në brendinë e se cilës ishin dy paketime me ngjyrë të zezë që dyshohej të jetë substancë narkotike.Sipas ekzaminimit dhe matjeve fillestare rezulton që substanca e dyshuar narkotike është e llojit Heroinë dhe pesha e saj është 835.4 gram”, thuhet në njoftimin e policisë.
Bëhet e ditur se pas konsultimit me prokurorin është bërë bastisja e një banese në lagjen Dardania ku është sekuestruar një telefon.
Kurse si prova materiale janë gjetur dhe sekuestruar:
- Një veturë e tipit VW Caddy me targa vendore
- (835.4 gram) substancë e dyshuar narkotike e llojit Heroinë,
- Katër (4) telefona celular.
Tutje nga Policia thuhet se i dyshuari pas intervistimit me vendim të prokurorit është dërguar në mbajtje për 48 orë.
“I dyshuari mashkull kosovar me iniciale (Sh. L.)është intervistuar në prezencë të avokatit mbrojtës dhe me vendim të prokurorit nga Prokuroria Themelore, Departamenti për Krime të Rënda, dërgohet në mbajtje për 48 orë për vazhdim të mëtutjeshëm të procedurave hetimore”, thuhet në njoftim./teve1.info./
