Të hënën në Gjykatën Themelore në Prishtinë ka filluar seanca e dytë gjyqësore për sulmin terrorist në Banjskë të Zveçanit, ku mbeti i vrarë rreshteri i Policisë së Kosovës, Afrim Bunjaku, në shtator të vitit 2023.
Seancën e ka lëshuar avokati Arianit Koci i cili përfaqëson familjen Bunjaku, për të protestuar në Kuvend.
Në këtë seancë e cila po mbahet në Gjykatën Themelore në Prishtinë do të dëgjohen dëshmitarët e parë Alban Rashiti dhe Çlirim Shaqiri, pjesëtarë të Njësisë Speciale të Policisë së Kosovës që ishin përballur me terroristët.
