Hamiti në Tëvë1, tha se janë bërë 11 vite të degradimit në dialog e sipas tij, Qeveria Kurti është e pa zonja për këtë punë.
“U bë 11 vite degradim në dialog për targa për 7 muaj. Ky është totalisht parodi, fundja cka është kjo… Mbasi e përmenda urgjencën për dialogun nga ShBA-të dhe nga vendet kyçe të BE-së e sidomos nga Gjermania këtë përshtypje e kam atëherë kjo duhet shfrytëzuar nga Qeveria. Mirëpo kjo Qeveri po del të jetë e pa zonja për këtë punë dhe e pa guximshme”, tha ai.
Anëtari i Kryesisë së LDK-së, tha se Qeveria Kurti është kthyer prapa në hapa sa i përket dialogut, e këtë ai po e cilëson si problematike.
“Kjo Qeveri është kthyer prapa dhe ka diskutuar për tema për të cilat kanë qenë në ujdi nga dialogu i mëhershëm pra është kthyer mbrapa. Ka kthim prapa dhe ku është “hesapi” i Kosovës që të kthehet prap. Ka një urgjencë por si duket Qeveria nuk e ka kuptuar ende si të tilë dhe ky është problem”, shtoi tutje Hamiti në emisionin “ Këndi i Debatit”. /teve1.info./
