Kryeministri në detyrë, Albin Kurti ka qëndruar për disa minuta në Bashkësinë Islame të Kosovës me rastin e Kurban Bajramit.
Kurti në deklarimin për media tha se në një ditë si kjo, por edhe çdo ditë tjetër, duhet t’i rikujtojmë vetes se sa rëndësi ka sakrifica dhe solidariteti për shoqëri të mirë.
“Urime Festa e Kurban Bajramit të gjithë besimtarëve myslimanë. Sot, dhe jo vetëm sot, le të ndihmojmë ata që kanë më së shumti nevojë. Le t’ia përkujtojmë vetvetes dhe njëri-tjetrit rëndësinë që ka sakrifica dhe solidariteti për një shoqëri të mirë, të mbarë dhe të drejtë. Gëzuar dhe paçi zemrat përplot me besim e gëzim, kurse tryezat përplot me miq”, tha ai.
