Ish- ambasadori, Sylë Ukshini ka deklaruar se LVV-ja dëshiron që zgjedhjet e parakohshme t’i ketë së bashku me zgjedhjet lokale.
Sipas tij mbajtja zgjedhjeve parlamentare dhe lokale për një ditë është problematike në aspektin teknik.
Madje, ai thotë se me këtë veprim Kurti po lëviz një hap para opozitës dhe opozita po e ndjek nga pas.
“Kam përshtypjen që VV-ja po dëshiron që zgjedhjet e parakohshme t`i ketë së bashku me zgjedhjet lokale. Kurti po lëviz një hap përpara opozitës, dhe opozita po e ndjek nga pas. Unë e shoh që është pak problematike mbajtja e zgjedhjeve lokale dhe parlamentare në aspektin teknik sepse do të ishte shumë problematike për të votuar pastaj. LDK-ja po thotë që unë nuk jam as me VV-në as me PDK-në, sepse po humbim vota e këtë e atë, ndërkohë që realiteti është krejt tjetër, LDK nuk ka humbur as për këtë votë e as për atë votë, por ka humb për shkak se ka pasur një kuvend karrigeve dhe ka qenë egocentrizmi i Fatmir Sejdiut për ta përjashtuar krejt krahin e Nexhat Dacit dhe kjo i ka prodhua probleme për ta menaxhuar vetë situatën e brendshme”, ka thënë ish-ambasadori.
Sipas tij, partitë partitë politike po dëshirojnë të blejnë kohë por më së shumti thotë ai, LDK.
Të gjitha partitë politike po dëshirojnë të fitojnë kohë, por unë mendoj që njëra nga to është LDK-ja e cila nuk dëshiron të identifikohet me këtë marrëveshje, nuk ka një qëndrim të theksuar për marrëveshjen e Ohrit në kuptimin ekspertizë reale jo për të bërë politikë”, ka deklaruar Ukshini në emisionin “Ditari” në tëvë1.
Ndryshe, ish-ambasadori thotë se nëse partitë politike nuk bëjnë kompromis mes vete, Kosova do të dëmtohet.
“Kot mban zgjedhje sepse nëse hymë me këto pozicione kaq konfrontuese dhe kur nuk jepin perspektive mundësinë e një kompromisi dhe demokracia këto rregulla i ka, këto ligje, norma që duhet me negociua me bë kompromis dhe ne nëse barrikadohemi kaq shumë kjo në fund na e dëmton pozicionin tonë”, ka shtuar ai ndër të tjera./teve1.info/
