Në njoftim thuhet se Policia e Kosovës, ka marrë veprime të nevojshme pasi që, në fshatin Kormnjan dyshohet se përmes rrugëve malore persona të dyshuar kanë kontrabanduar mall komercial.
“Policia Kufitare e Republikës ë Kosovës, mbrëmë më datë 23.05.2022, pas pranimit të informacioneve se në fshatin Kormnjan dyshohet se përmes rrugëve malore ,persona të dyshuar me një traktor janë duke kontrabanduar mall komercial në mënyrë ilegale, menjëherë ka ndërmarrë veprimet e nevojshme për identifikimin e tyre”, thuhet në njoftim.
Sipas policisë një rast tjetër kontrabandimi ka ndodhur në komunën e Zveqanit, ku dyshohet që janë importuar mallra të ndryshme ushqimore nga Serbia.
“Në vazhdën e parandalimit dhe luftimit intensiv të kontrabandës me mallra në një rast tjetër, sot, më 24.05.2022, rreth orës 11:30, njësi policore nga Sektori për Operativë, të Drejtorisë Rajonale Kufitare “Veriu”, bazuar në analizën e informacioneve, në vendin e quajtur Srbovac- komuna e Zveqanit, kanë ndaluar automjetin ‘VË Caddy’ me vozitës mashkull, automjet i cili ishte i ngarkuar me mallra të ndryshme ushqimore të cilat dyshohet se janë kontrabanduar nga Serbia ( shiko fotot 3 dhe 4)”, thuhet tutje.
Automjeti dhe mallrat e dyshuara janë sekuestruar dhe dërguar në Terminal Doganor, kurse me autorizim të prokurorit ëhtë iniciuar rasti ”Kontrabandim me mallra”, për procedura të mëtejme ligjore.
