Tre prej tyre ishin pro, e tre të tjerë kundër këtij raporti.
Deputeti i Vetëvendosjes, Armend Muja ka kërkuar materiale shtesë për KPMM-në, duke thënë se borxhet duhet të jenë moment i fundit.
“Deri në raportimin e radhës sugjeroj vetëm ti paguajnë detyrimet që i takojnë shtetit. Këto borxhe është momenti i fundit që me u fokusua në këtë pikë”, tha Muja.
E deputeti i AAK-së, Pal Lekaj, tha se dokumentet që i kërkon deputeti duhet t’i sjellin të gjithë agjencionet.
“E kanë obligim me ligj me u përgjigj dhe çfarëdo dokumenti që kërkon deputeti duhet ta përcjellin. Qeveria dihet t’i obligojë të gjitha agjencionet të raportojnë në komisionet përkatëse. Më befason fakti që ata nuk janë në krye të detyrës. Vet i keni zgjedhur”, tha Lekaj.
Për mosvotim të raportit të KPMM-së u shpreh edhe deputeti i PDK-së, Ferat Shala.
“Bordin e KPMM-së selektimin e ka bërë Qeveria dhe tash nuk po dalin korrekt. Dhe na befason se si të zgjedhurit e kryeministrit nuk iu miratohet raporti. Këta i ka zgjedh vetë kryeministri. qartësoni pak këtë pozicion”, tha Shala./eo
