Shishe plastike të hedhura kudo.
Janë këto pamjet që po shoqërojnë pjesën e parkingut pran Qendrës Klinike Universitare.
Në këtë hapësirë, prej disa ditësh mbeturinat vazhdojnë të mbeten të shpërndara në tokë.
E kjo gjendje po shqetëson qytetarët që frekuentojnë këtë zonë.
“Këtu paret e buxhetit shkojnë, punët nuk kryhen. Shqetësuese është për arsyeje se këto kanë efekte negative sepse mund të ndikojnë në përhapjen e sëmundje të ndryshme” , thotw Fekw Sadikaj-qytetar.
Ka edhe nga ata që fajësojnë edhe vetë qytetarët për këtë gjendje.
“Nga t’i lëshosh sytë është keq, po shkakun nuk po e di. Mendoj që shkaku është individi, pa e ndërruar ne mendjen me pas kujdes, nuk mundemi me lyp vetëm prej tjetër kujt. Deri sa të jemi që fajin e kërkojmë tek tjerët e nuk e lypim te vetvetja, do ta kemi kështu gjendjen”, shprehet qytetari Hetem Bajrami.
“Edhe ne i kemi fajet se edhe ne po hedhim kudo çkamos. Nuk është veç puna e shtetit, po janë të tëra të lidhura se me qen në perëndim unë. Kam qenë s’kam mund me gjet një letër askund”, thotw Avdi Zeqiri-qytetar.
E shqetësues mbetet edhe mosmirëmbajtja e ambientit.
“S’ka as mirëmbajtje gjatë verës, krejt oborri i QKUK-së, krejt stinëve të verës këtu s’janë interesu edhe pse i kanë këto pompat, nuk është interesua askush me mirëmbajt as gjelbërimin”, thotw Fekw Sadikaj-qytetar.
E për këtë pjesë nga QKUK u tha se nuk është në përgjegjësin e tyre.
Njëjtë për TËVË1 kanë deklaruar edhe në Kompaninë e Mbeturinave “Pastrimi”.
“Ju njoftojmë se menaxhimi dhe largimi i mbeturinave të kësaj natyre është në kompetencë të Komunës së Prishtinës dhe institucioneve përkatëse komunale. KRM “Pastrimi” Sh.A., në kuadër të përgjegjësive dhe shërbimeve që ofron, është e angazhuar në grumbullimin dhe transportimin e mbeturinave nga kontejnerët e dedikuar për mbeturina komunale”.
Ndërkohë, Komuna e Prishtinës nuk ka dhënë ndonjë përgjigje lidhur ke këto mbeturina.
