Ministri në detyrë i Bujqësisë, Faton Peci, nga Prokuroria Speciale ka përfundur intervistimin në cilësinë e të dyshuarit për dhënien në shfrytëzim të Fabrikës për përpunimin e nënprodukteve shtazore mbas më shumë se 4 orë .
Në këtë intervistim ka marr pjesë edhe kryeshefi i Agjencisë së Ushqimit dhe Veterinarisë Bekim Hoxha.
Lajmin për tëvë1.info e ka konfirmuar zëdhënësja e Prokurorisë Speciale, Arbnora Luta.
Ajo po ashtu ka konfirmuar edhe lajmin për intervistimin e kryeshefit të Agjencisë së Ushqimit dhe Veterinarisë, Bekim Hoxha.
Ndryshe, Peci po hetohet nga organet e hetuesisë pas bastisjes që Policia e Kosovës të martën ka kryer në katër lokacione të Ministrisë së Bujqësisë.
Prokurori i rastit, Admir Shala, në një deklaratë për mediat nga AZHB-ja ka thënë shkurt se Prokuroria Speciale ka nisur hetim lidhur me dhënien në shfrytëzim me qira të fabrikës për përpunimin e nënprodukteve shtazore.
“Prokuroria Speciale ka filluar një hetim lidhur me dhënien në shfrytëzim të fabrikës për përpunimin e nënprodukteve shtazore, hetimi është duke u zhvilluar në lidhje me dyshimet për dhënien me qera të kësaj fabrike. Jemi në fazën e hetimit, jemi duke i zhvilluar bastisjet dhe kontrollet në bazë të urdhrit të gjyqtarit të procedurës paraprake të Gjykatës Themelore në Prishtinë me kërkesë të Prokurorisë Speciale. Janë duke u bastisur Ministria e Bujqësisë, Agjencia për Zhvillim Bujqësor, Agjencia për Ushqimin dhe Vetenari dhe Lokacioni i Kompanisë përfituese e kontratës”, ka deklaruar ai.
