Për ditë me radhë, po flitet për pazare politike për votën pro Albulena Haxhiut. Ndërmjetës të bisedimeve u pretendua që janë përfaqësues nga Maqedonia e Veriut. E Shkupi sërish u lakua të premten.
Ishte deputetja boshnjake Duda Balje , e cila tha se i është premtuar punë në një fakultet në kryeqytetin e Maqedonisë së Veriut në këmbim të votës për Albulena Haxhiun.
Balje tha se kanë biseduar disa herë në telefon porse që nuk janë takuar.
Për këto ndërhyrje nga shteti fqinj, foli edhe kryetari i Aleancës për Ardhmërinë e Kosovës, Ramush Haradinaj.
Ai tha se përveç Baljes, po mundohen të joshen politikisht edhe dy deputetë të tjerë të pakicave.
Mirëpo këtë e mohon deputetja nga radhët e Vetëvendosjes, Donika Gërvalla. Sipas saj, këto nuk janë të vërteta.
Këta tre deputetë të partive jo-shumicë në Kosovë, njëjtë sikur opozita nuk e kanë përkrahur kandidaten e Vetëvendosjes, Albulena Haxhiut për krye-parlamentare.
