Policia e Kosovës ka sekuestruar një veturë e cila dyshohet se ishte vjedhur në Gjermani.
Sipas komunikatës vetura e dyshuar e vjedhur në Gjermani ishte duke u transportuar me një mjet tjetër në drejtim të fshatit Senik të Malishevës.
Policët në Malishevë për këtë rast janë njoftuar nga kolegët e tyre nga Mitrovica e Veriut.
“Menjëherë pas pranimit të informatës, njësitë kompetente të policisë janë njoftuar dhe janë angazhuar në terren për të hetuar rastin. Gjatë zhvillimit të hetimeve, është pranuar një informatë shtesë se vetura e dyshuar ishte duke u dërguar në fshatin Senik të Malishevës. Në këtë lokacion, njësitë policore kanë arritur të ndalojnë automjetin transportues së bashku me veturën e ngarkuar. Të dy mjetet janë sekuestruar dhe janë dërguar në Stacionin Policor në Malishevë për procedura të mëtejshme hetimore”, thuhet në komunikatë.
Bëhet e ditur se në cilësinë e dëshmitarëve janë intervistuar dy persona. Në konsultim me prokurorin e shtetit është iniciuar rasti “Pranim i mallrave të vjedhura”.
Rasti do të trajtohet në procedurë të rregullt./teve1.info/
