Kur jemi rritur, shumica prej nesh kemi dëgjuar se nëse luajmë jashtë në shi, do të ftohemi patjetër. Por tani që jemi të rritur, a është kjo këshillë vërtet e saktë? A duhet të shmangim lagien në shi?
Në fakt, mund të ketë një mundësi më të madhe të sëmuresh nëse qëndron për një kohë të gjatë i lagur dhe i ftohtë në shi. Por kjo nuk është aq e thjeshtë sa thotë ajo fjalia popullore.
Kur trupi është i ekspozuar për një kohë të gjatë ndaj të ftohtit dhe lagështisë, sistemi imunitar mund të dobësohet. Kjo e bën më të lehtë për viruset që të të sulmojnë. Megjithatë, kjo nuk do të thotë se do të ftohesh me siguri, raporton Healthline.
A të sëmur shiu?
Jo. E ftohura shkaktohet nga viruse, jo nga shiu në vetvete. Por një studim i vitit 2022 tregoi se rënia e temperaturës trupore – kur je i ftohtë – mund të dobësojë sistemin imunitar dhe ta bëjë trupin më të ndjeshëm ndaj viruseve që shkaktojnë ftohje.
Pra, edhe pse shiu nuk të sëmur drejtpërdrejt, të qenët i lagur dhe i ftohtë për një kohë të gjatë mund të ndikojë negativisht në mbrojtjen e trupit dhe të rrisë gjasat për t’u ftohur, nëse je në kontakt me virusin.
Si mund të ftoheni?
E ftohura shkaktohet nga më shumë se 200 lloje virusesh. Këto viruse janë ngjitëse dhe përhapen përmes ajrit (kur dikush kollitet ose teshtin) ose përmes kontaktit të afërt.
Mund të marrësh virusin edhe duke prekur ndonjë sipërfaqe të kontaminuar dhe më pas duke prekur hundën, sytë ose gojën me duar të palara.
Si mund të parandaloni ftohjen?
Ja disa këshilla për të ulur për të parandaluar ftohjen:
Laj duart shpesh me ujë dhe sapun;
Mos ndaj ushqim, pije apo sende të tjera me persona që duken të sëmurë;
Shmang prekjen e syve, gojës dhe hundës me duar të palara;
Ushqehu shëndetshëm dhe bëj aktivitet fizik rregullisht;
Fli mjaftueshëm për të mbajtur trupin të fortë dhe të mbrojtur.
