Deputetja e LDK-së, Hykmete Bajrami, ka thënë se është lajm i mirë që partitë po ulen të gjitha bashkë.
Bajrami ka thënë se Abdixhiku në takim me presidenten, do të tregojë pse qeveria e tranzicionit është zgjidhja më e mirë.
“Konsideroj që është lajm i mirë që partitë po ulen të gjitha së bashku të ftuara nga presidentja, edhe pse iniciativa me u ulë bashkë, ka qenë propozim i yni. Ndërkohë që po e presim takimin. Kryetari do të shpalos idenë me detaje të tjera, me shansën për ta argumentuar pse konsiderojmë që kjo është zgjidhja më e mirë e mundshme për situatën ku gjedemi. Një qeveri gjithëpërfshirëse do të mund të bëhej komplet në rezultatin e votave, nuk kemi kërkuar dikastere, as nuk kemi kushte, por e kemi elaboruar pse kjo është zgjidhja më e mirë e mundshme. Nuk kemi bërë trysni, ne nuk kemi kërkuar e as ushtruar presion që të votohet në formë të caktuar. Ka qenë qëndrim i partisë, ndaj të cilës ka pasur përkrahje”, tha Bajrami.
