Raportuesi i Kosovës në Parlamentin Evropian, Riho Terras ka kritikuar presidentin e Këshillit Evropian, Antonio Costa për takim me Vuçiqin.
Ai ka shkruar në X se takimi ndodhi pavarësisht kundërshtimit nga eurodeputetët, duke e quajtur dështim diplomatik.
“Pavarësisht kundërshtimit të eurodeputetëve nga 14 shtete anëtare, Presidenti i Këshillit Evropian, Costa vendosi sërish të takohet me mikun më të ngushtë të Kremlinit, Presidentin e Serbisë, Vuçiq. BE-ja nuk mund të lejojë dështime të tilla diplomatike!”, ka shkruar Terras.
Presidenti i Këshillit Evropian, Antonio Costa sot ka nisur një vizitë zyrtare në gjashtë vendet e Ballkanit Perëndimor, ku e para ka qenë në Beograd. Ai pritet ta vizitojë edhe Kosovën.
Despite the opposition of MEPs from 14 different Member States, @eucopresident Costa still decided to meet #Kremlin's best buddy President Vučić 🇷🇸. EU cant allow these kind of diplomatic failures! @EPPGroup @EU_Commission @Europarl_EN #Vucic #Serbia pic.twitter.com/1w111mzGJE
— Riho Terras (@RihoTerras) May 13, 2025
