Ambasadori i Britanisë së Madhe në Kosovë, Jonathan Hargreaves ka vizituar Policinë e Kosovës ku është pritur nga zëvendësdrejtori i përgjithshëm i Policisë së Kosovës, Fehmi Hoti me bashkëpunëtor.
Në këtë takim sipas komunikatës Hoti ndau informacione mbi situatën e sigurisë në Kosovë, përfshirë situatën në veri të vendit, si dhe për punën e angazhimin e Policisë së Kosovës, si një polici profesionale, demokratike dhe e zhvilluar në fusha të ndryshme policore.
“Policia e Kosovës ka bashkëpunim të mirë me partnerët e sajë strategjik, përfshirë edhe një bashkëpunim të shkëlqyeshëm me ambasadën Britanike në Kosovë, e cila në vazhdimësi ka përkrahur dhe mbështetur Policinë e Kosovës, si me trajnime të avancuara po ashtu edhe me pajisje logjistike e teknologjike”, tha Hoti thuhet në komunikatën e PK-së.
Ndërsa, ambasadori Hargreaves falënderoi zëvendësdrejtorin dhe stafin policor për mikpritjen, si dhe njeherit e përgëzoi PK-në për zhvillimin dhe avancimin profesional, për punën dhe angazhimet policore në interes të sigurisë së qytetarëve pa dallime.
