Shefi i Zyrës së Bashkimit Evropian në Kosovë, Aivo Orav pas takimit të së hënës me kryeministrin në detyrë, Albin Kurti ka deklaruar se për përparim në integrimin evropian të Kosovës, nevojitet një qeveri stabile dhe funksionale dhe se status quo-ja aktuale nuk i sjell dobi askujt.
“Sot, ambasadorët e QUINT-it u takuan me kryeministrin në largim Kurti. Për progres në integrimin evropian të Kosovës, duhet një qeveri stabile dhe funksionale. Status-quo aktuale nuk i sjell dobi askujt”, ka shkruar Orav në platformën “X”.
Today, QUINT Ambassadors met the outgoing Prime Minister Kurti.
For progress in European integration of Kosovo, a stable and functional government is needed. The current status quo benefits no one.
— Aivo Orav (@AivoOrav) May 12, 2025
Ambasadori i Britanisë në Kosovë, Jonathan Hargreaves ka thënë se në takim ka inkurajuar formimin sa më të shpejtë të një qeverie të re që të veprojë në interes të dhe qytetarëve të saj.
“Këtë pasdite, u takova me Kryeministrin në detyrë Kurti së bashku me ambasadorët e tjerë të QUINT-it. Inkurajova formimin sa më të shpejtë të një qeverie të re që të veprojë në interes dhe qytetarëve të saj, duke bërë përparim në çështje jetike, siç janë zhbllokimi i fondeve dhe avancimi drejt integrimit euroatlantik”, ka thënë Hargreaves.
Edhe ambasada e Italisë në Kosovë ka konfirmuar se ambasadorët e QUINT-t kanë theksuar nevojën për formimin sa më të shpejtë të një qeverie të re.
“Sot, ambasadorët e QUINT-it u takuan me Kryeministrin në detyrë Kurti. U theksua nevoja për formimin sa më të shpejtë të një qeverie të re, në mënyrë që Kosova të ecë përpara në prioritetet kyçe, siç është avancimi drejt integrimit euroatlantik”, thuhet në njoftim.
Ndryshe, ambasadorët e pesë vendeve të QUINT-it, SHBA-ja, Mbretëria e Bashkuar, Italia, Gjermania dhe Franca të hënën kanë vizituar kryeministrin në detyrë, Albin Kurti.
Qeveria e Kosovës ka thënë se anëtarësimi i Kosovës në Këshillin e Evropës ka qenë tema qendrore e kryeministrit në detyrë, Albin Kurti me ambasadorët dhe përfaqësuesit diplomatik të shteteve të QUINT-it dhe Shefin e Zyrës së Bashkimit Evropian në Kosovë.
Qeveria jep detaje nga takimi i Kurtit me përfaqësuesit e QUINT-it
