Pas prezantimit të aplikimit elektronik për personat paraplegjikë dhe tetraplegjikë, ministria e Financave ka bërë të ditur se tashmë është lansuar aplikimi elektronik për personat me aftësi të kufizuara dhe atyre me dëmtim të shikimit.
Sipas njoftimit kjo është bërë pas aprovimit të akteve nënligjore përkatëse që mundësojnë një procedurë të tillë duke lehtësuar procesin e aplikimit dhe shmangur procedurat burokratike që ishin prezente në të kaluarën.
“Tashmë në platformën eKosova, qytetarët mund të plotësojnë kërkesën për njohjen e statusit për personat me aftësi të kufizuara apo kërkesën për njohjen e statusit të personave me dëmtim të shikimit si asnjëherë më parë, ku formulari i njëjtë plotësohet qoftë për aplikimin për herë të parë apo për procesin e rivlerësimit. Ju mund të aplikoni përmes platformës eKosova https://ekosova.rks-gov.net/567 ku fillimisht klikoni butonin “Shërbimet,” pastaj zgjedhni butonin “Familja” dhe aty do të gjeni formularët e aplikimit”, thuhet në njoftim.
