Analisti nga Shqipëria, Ben Andoni ka thënë se procesi zgjedhor i sotëm në Shqipëri ka qenë kryesisht i rregullt, duke akuzuar forcat politike se kanë zmadhuar disa incidente.
Ai ka thënë se këtë e kanë bërë për shkak të humbjes së besimit nga qytetarët.
Andoni në një intervistë për Tëvë1, pas përfundimit të procesit zgjedhor ka thënë se shqetësuese mbetët dalja e ulët e qytetarëve në votime.
Sipas tij, kjo ka një arsye dhe ajo është se qytetarët nuk e pëlqejnë ofertën politike të dy partive më të mëdha.
“Palët politike shqiptare për shkak të humbjes së besimit janë munduar që incidentet e vogla t’i fryjnë . Procesi ka shkuar sipas parashikimeve. Problem ka qenë pjesëmarrja e qytetarëve në zgjedhje, që do të thotë se publiku shqiptarë nuk e pëlqen ofertën politike qoftë të PD-së qoftë të PS-së. Në përgjithësi zgjedhjet shqiptare janë të mira por sa i përket besimit të individëve të cilët marrin pjesë, lë jashtëzakonisht shumë për të dëshiruar”, ka thënë ai.
Sipas Komisionit Qendror të Zgjedhjeve pjesëmarrja në votime deri në orën 18:00 ka qenë 41.29%, shifër kjo më e ulët se në zgjedhjet parlamentare 2021, ku dalja ishte 45.41%.
