Radha për të luajtur është e gjatë.
E ata që e përafruan shifrën më të lartë që e arriti Bitcoin në treg, u shpërblyen.
Ishte kjo vetëm njëra nga format që pjesëmarrësit e kaluan pauzën në ditën e dytë të konferencës më të madhe të kriptovalutave në rajon.
E epiqendra e kësaj ngjarje ishte në Prishtinë.
Krejt kjo pas një bashkëpunimi të Block Talk Prishtinë me gjigantin global, Binance.
Këta të fundit u habitën me atë çfarë panë në Kosovë.
“Është hera ime e parë në Kosovë dhe nuk i kisha këto mendime para se të vija këtu. U habita kur i pash shifrat e Kosovës dhe i shpërndava ato. Shembull, Kosova i ka 14% të qarkullimit total të tregut të kriptovalutave në Ballkan, gjë që është e mahnitshme nëse e krahason me vendet e tjera të rajonit dhe gjithashtu ajo që më habiti është popullsia kaq e re dhe interesimi i tyre në BlockChain”, thotë Sandro Slukan – BINANCE – REGIONAL LEAD FOR BALKAN.
Prezenca në Prishtinë e kompanisë më të madhe në botë për tregtimin e kriptovalutave, Binance, tërhoqi vëmendje të madhe.
Për këtë, dikush udhëtoi plot 15 mijë kilometra për të marrë pjesë në këtë konferencë në Prishtinë.
“Unë vi nga Australia. Ibëra 14 orë udhëtim deri në Dubai, e nga aty arrita në Stamboll e pastaj në Prishtinë. Udhëtim më të vërtetë i gjatë, por mendoj se ia vlejti shumë, sepse jam shumë e emocionuar për këtë konferencë. Binance, duke e bashkë-organizuar këtë konferencë me BlockTalk, po përqendrohet shumë në këtë rajon, dhe i kanë të gjitha arsyet e duhura, sepse Kosova do të jetë një qendër kriptovalutash brenda Evropës”, thotë Vinh Nguyen – SURGENCE LABS – SYDNEY.
E organizatorët e kësaj ngjarje, thonë se Prishtina shpejt mund të kthehet në kryeqytetin evropian të kriptovalutave.
“Qëllimi kryesor afatgjatë është që Kosova të jetë kryeqytet i Evropës në fushën e kriptovalutave. Pse kjo mundet me ndodh? Shkaku i interesimi. Përfaqësuesit e Binancës kanë qenë në krejt Evropën me organizime, por nuk ka pasur interesim si në Kosovë”, shprehet Shkëlqim Dushi – organizator i BLOCKTALK.
Konferenca e vitit 2025, pritet të thyej rekorde të reja në këtë fushë.
Kjo meqë në edicionin e parë në vitin e kaluar, BlockTalk e Bybit, tërhoqën mbi 500 pjesëmarrës brenda një dite të vetme
