Analisti, Martin Lekaj në një intervistë për Tëvë1 ka folur për mbarvajtjen e procesit zgjedhor në Shqipëri, deri tani.
Lekaj ka thënë se posedon informacione që në shumë qarqe të Shipërisë janë duke u bërë hetime nga Struktura e Posaçme Kundër Korrupsionit dhe Krimit të Organizuar (SPAK), me qëllim të zbatimit të ligjit.
Ai ka bërë të ditur se në një rreth në Mirditës është arrestuar bashkëshorti i një deputeteje si i dyshuar për ndërhyrje në procesin e votimit.
Sipas Lekajt, këto hetime dhe arrestime mund të ndalojnë eskalimin e situatës gjatë orëve në vazhdim.
“SPAK por edhe Prokurori I përgjithshëm dhe të gjitha strukturat e drejtësisë janë në këmbë për të zbatuar ligjin dhe sipas informacioneve ka hetime në shumë qarqe të vendit. Në një rreth në Mirëditë është arrestuar bashkëshorti I një deputetetje bashkë me dikë tjetër, do të thotë që ligji po vepron dhe kjo është gjë e mirë. Kjo mund të ndaloj eskalimin e situatës në orët në vazhdim. Janë arrestuar për ndërhyrje në procesin e votimit, nuk e kam ende informacionin e saktë pra akuzën ndaj tyre por që janë arrestuar. Kjo do të thotë që vota që ne hedhim sot është një votë që do të ketë garancinë e vet sic ajo hidhet në qendrën e votimit”, është shprehur ai./teve1.info/
