Në Komandën e Doktrinës dhe Stërvitjes të FSK-së është realizuar me sukses kursi bazë për snajperë.
FSK përmes një njoftimi ka bërë të ditur se kursi kishte për qëllim të përgatis snajperë profesionistë në përdorimin e armëve precize dhe zhvillimin e aftësive në qitje të largët, vëzhgim taktik, identifikim objektivash dhe mbledhje informacioneve në zona me rrezikshmëri të lartë.
Kursi ka përfshirë edhe trajnimin e ndihmësqitësit dhe zhvillimin e aftësive të bashkëpunimit dhe komunikimit brenda ekipit të snajperëve në zbatim të misioneve në operacione rurale dhe urbane.
“Përfundimi me sukses i këtij kursi, kontribuon drejtpërdrejt në rritjen e kapaciteteve operacionale të FSK-së, forcimin e njësive të specializuara dhe rritë numrin e snajperëve profesionistë, të cilët janë të gatshëm për të përmbushur me profesionalizëm detyrat dhe misionet në operacione komplekse dhe sfiduese”, thuhet në njoftim.
