Më 7 maj të vitit 1998 në vendin e quajtur Bogiqe të Malit të Zi ra heroikisht Bahri Fazliu.
Bahri Fazliu ishte anëtar i LKÇK-së dhe pjesëtar i Ushtrisë Çlirimtare të Kosovës.
Për këtë, Fahri Fazliu ka shkruar se në përvjetorin e rënies së Bahri Fazliut ka telefonuar nga burgu i Hagës vëllai i tij, Fadil Fazliu për të shprehur kujtimet për rënien e tij.
Tutje, ai theksoi se vëllai i tij Fadil Fazliu ende po mbahet në Hagë dhe po pret liri për të.
“Një zë nga larg, një kujtim që s’fiket… Sot, në përvjetorin e rënies së Bahri Fazliut, Hero i Kombit, nga burgu i Hagës telefonoi vëllai i tij, Fadil Fazliu. Larg atdheut, larg familjes, larg tokës për të cilën luftuan bashkë, larg varrit të tij. “Lavdia u takon atyre që ranë për këtë vend,” tha ai – me zërin që mbante dhimbjen e mungesës, por edhe krenarinë e pathyeshme për sakrificën. Kanë kaluar 27 vite, por plagët e kohës nuk shërohen lehtë. Fadili është ende në Hagë, në pritje të drejtësisë. Liri për Fadil Fazliun. Drejtësi për çlirimtarët! Nderim i përjetshëm për dëshmorët e kombit!”, ka shkruar Fazliu./teve1.info/
