Presidentja e Kosovës, Vjosa Osmani, ka shkruar se vizita e saj në Brunei ka shënuar një moment të rëndësishëm në forcimin e marrëdhënieve ndërmjet dy vendeve.
Osmani ka falënderuar Sulltan Haji Hassanal Bolkiah, për mikpritjen e jashtëzakonshme dhe për nderimin që iu bë sot.
Ajo theksoi se vizita ka krijuar mundësi të reja për një të ardhme të ndritur dhe bashkëpunim të mundshëm mes dy shteteve.
“Një vizitë historike! Një raport i ndërtuar mbi respekt e besim reciprok! Një e ardhme e ndritur e potencial i jashtëzakonshëm për bashkëpunim! Faleminderit Madhërisë së Tij, Sulltan Haxhi Hassanal Bolkiah për mikpritjen e jashtëzakonshme dhe nderimin që iu bë sot Republikës së Kosovës!”, ka shkruar Osmani në Facebook.
Gjatë vizitës, Osmani njoftoi se është nënshkruar marrëveshja për heqjen e vizave ndërmjet Kosovës dhe Bruneit, duke mundësuar që qytetarët e Kosovës të udhëtojnë pa viza në Brunei.
