Trupi i njeriut është jashtëzakonisht i ndjeshëm ndaj nivelit të ujit që konsumon.
Në shumicën e rasteve, ndjesia e etjes është një mekanizëm natyral që tregon se organizmi ka nevojë për hidratim. Nëse dëgjoni sinjalet që jep trupi dhe pini ujë sa herë që ndiheni të etur, zakonisht siguroni sasinë e nevojshme ditore të lëngjeve.
Por kur trupi nuk merr ujë të mjaftueshëm, mund të përballet me një gjendje të njohur si dehidratim – një term mjekësor që përshkruan mungesën e ujit të mjaftueshëm për funksionimin normal të organizmit.
Uji është esencial për çdo qelizë të trupit. Në mungesë të tij, qelizat fillojnë të tkurret, duke humbur funksionin e tyre të zakonshëm.
Truri reagon ndaj kësaj mungese duke sinjalizuar trupin që të reduktojë prodhimin e urinës, proces që ndodh përmes veshkave.
Por për të përmbushur këtë funksion, veshkat kanë nevojë për një furnizim të qëndrueshëm me ujë. Në mungesë të hidratimit, ato punojnë më shumë, shpenzojnë më shumë energji dhe me kalimin e kohës, mund të dëmtohen seriozisht, deri në dështimin e tyre.
Pasojat e dehidratimit mund të prekin shumë sisteme dhe organe:
- Trupi nuk arrin të mbajë temperaturën në nivel normal;
- Presioni i gjakut mund të bëhet i paqëndrueshëm;
- Shfaqen çrregullime në balancën e elektroliteve;
- Kyçet fillojnë të humbin lëvizshmërinë;
- Mund të paraqiten episode konfuzioni mendor;
- Dhe në raste ekstreme, mund të ndodhë fryrje e trurit (edemë cerebrale).
Për të shmangur këto rreziqe, është e rëndësishme që hidrimi të bëhet prioritet i përditshëm.
