Urdhërarresti ndaj Milan Radoiçiqit dhe 19 serbëve të tjerë për krime lufte të lëshuar nga Gjykata Themelore e Prishtinës, për Bekim Blakajn, Drejtor Ekzekutiv i Fondit për të Drejtën Humanitare është befasi dhe paradoks.
Ai duke kujtuar veprimtarinë e Radoiçiqit në Kosovë, si njeri kryesor i Listës Serbe dhe vizitat që ka pas në Prishtinë, ku ka zhvilluar takime edhe politikanë, ka shtuar pyetjen se pse nuk është vepruar më herët.
“Ne gjatë hulumtimeve nuk është qe kemi hasur shumë raste ku të mbijetuarit i kanë njohuri kryesit e krimeve, mirëpo kjo për neve ishte pak befasi të dëgjojmë që në mesin e tyre ishte edhe Milan Radoiçiqin, për të cilin gjithë e dimë se për një kohë të gjatë ka udhëhequr Listën Serbe ka qenë në Prishtinë ka mbajtur takime edhe me politikan. Ka qenë në Prishtinë, ka lëvizur dhe nuk është arrestuar. Është pak paradoks, sepse ishte dashur të arrestohet. Pse nuk është arrestuar më herët, pse nuk është proceduar më herët”, ka thënë ai në emisionin “InfoNata” në Tëvë1.
Ai ka thënë se fletarrestim nuk është i vonuar, por sipas tij kjo flet shumë për tërë sistemin, pasi në një kohë i akuzuari kryesor për sulmin terrorist në Banjskë, ka qenë i qasshëm për institucionet.
“Kurrë nuk është i vonuar, është mirë që kurdo që ka prova për krimet që janë kryer në Kosovë të ndiqen, mirëpo pasi ka qenë i qasshme për institucionet e ndjekës dhe drejtësisë pse nuk është reaguar më herët dhe të sillet para drejtësisë. Kjo flet shumë për tërë sistemin. Nëse ka pas një kallëzim penal ndaj tij, ndonjë qytetar apo i mbijetuar që ka folur për të, ka treguar që ai mund të jetë një kryesi i veprave makabre është dashur shumë kohë më parë të arrestohej dhe të mbahej në prezencë të tij”, ka thënë Blakaj.
Kosova lëshon fletarrestim ndaj Millan Radoçiqit dhe 19 serbëve të tjerë për krime lufte
