Gazetari, Shkelzen Dakaj ka thënë se Lëvizja Vetëvendosje po ushtron presion deri në maksimum te partitë opozitare për t’i thyer ato nga brenda.
Sipas Dakaj LVV-ja po vepron kështu me qëllim që të marrë në krahun e saj disa deputetë opozitarë të cilët mund të mos duan të shkojnë në zgjedhje.
Megjithatë, ai vlerëson se ky subjekt politik nuk do ta arrij këtë synim të saj duke pasur parasysh sesa ‘kompakt janë partitë opozitare’.
“Një diçka tjetër që mund të jetë kalkulim i Lëvizjes Vetëvendosje është ajo që po dëshiron ta bëjë presionin deri në maksimum që t’i thyej brenda subjekteve politike individë ose deputetë që të kalojnë në krahun ktej që llogarit që ata deputetë që nuk dëshirojnë të shkojnë në zgjedhje dhe kjo është njëfarë presioni që dëshiron ta bëjë që ne jemi të gatshëm ta dërgojmë vendin në zgjedhje s’duam të krijojmë institucione në mënyrë që të thehet një ose disa deputetë nga partitë tjera dhe me kalu në votë të LVV-së mirëpo kjo duke i pasur parasysh numrat dhe atë sesa kompakt janë partitë opozitare unë nuk shoh se mund të ndodhë”, ka thënë ai në emisionin “Info Nata” në Tëvë1.
