Avokati, Musa Konxheli ka thënë se klienti i tij, Rilind Murati i dyshuari për vrasjen e rreshterit, Muhamed Lika nuk është i përfshirë fare në këtë vepër penale.
Ai ka thënë se Prokuroria pretendon se ai ka qenë një ndër anëtarët e grupit në bashkëpunim me anëtarët e tjera që kanë planifikuar dhe kanë përgatitur vrasjen e policit.
“Jo vetëm për klientin tim, ata janë sipas Prokurorisë në bashkëkryerje të veprës penale “Vrasje e rëndë”. Prokuroria deri tashmë provat që i ka siguruar deri më tani kuptohet policia në autorizim të Prokurorisë është bazuar te provat materiale kështu që është në hetim e sipër të cilët është duke u bërë grumbullimi i provave të tjera. Unë si mbrojtës i Rilindit duke u bazuar në provat që deri tash i kemi konsiderojmë që klienti im nuk është i përfshirë fare në këtë vepër penale. Prokuroria pretendon se ai ka qenë një ndër anëtarët e grupit që në bashkëpunim edhe me anëtarët e tjerë kanë planifikuar dhe kanë përgatitur veprën penale me të cilën dyshohen se kanë kryer”, ka deklaruar avokati./teve1.info/
