Papa Françesku, Papa i parë në histori i Amerikës Latine, ka vdekur të hënën në moshën 88-vjeçare.
Në orën 7:35 të mëngjesit të sotëm, Peshkopi i Romës, Françesku, u kthye në shtëpinë e të Atit. E gjithë jeta e tij ishte e përkushtuar në shërbim të Zotit dhe të Kishës së tij,” tha Kardinali Kevin Ferrell, kamerleng i Vatikanit, në një njoftim zyrtar.
Këmbanat ranë nëpër kullat e kishave në të gjithë Romën pas shpalljes së lajmit.
Françesku, i cili vuante nga një sëmundje kronike e mushkërive dhe kishte humbur një pjesë të njërës mushkëri që në rini, u shtrua në spitalin Gemelli më 14 shkurt 2025 për shkak të një krize respiratore që u zhvillua në pneumoni të dyanshme. Ai qëndroi atje për 38 ditë, shtrimi më i gjatë në spital gjatë 12 viteve të papatit të tij.
Paraqitja e tij e fundit publike ishte të dielën e Pashkëve – një ditë para vdekjes së tij – në sheshin e Shën Pjetrit, ku u prit me duartrokitje të mëdha.
Françesku bëri bekimin nga e njëjta lozhë ku iu prezantua botës më 13 mars, 2013 si Papa i 266-të.
