13 dhjetori i vitit 2022, tronditi vendin me një ngjarje të pazakontë.
Trupi i një foshnje të pajetë, ishte futur në lavatriçe nga stafi i Spitalit të Përgjithshëm të Pejës.
Gjyshi i foshnjës, që punon në këtë Spital, tregon tmerrin që pa me sy.
Sipas tij, stafi spitalor kishte tentuar që ta fshihte rastin.
Mirëpo, pas më shumë se dy vitesh, për këtë rast para gjykatës dolën dy të akuzuarit, staf mjekësor.
Ata ngarkohen me veprën penale “dëmtim i varrezave, kufomës”.
Që të dy, E.A dhe S.I u deklaruan të pafajshëm.
Pala e dëmtuar ka paralajmëruar inicimin e procedurës për zhdëmtim.
Derisa shprehën optimist se drejtësia do të vie në vend, shprehën pakënaqësi për trajtimin e rastit deri më tani.
Për këtë rasti, dy të akuzuarit kanë kohë 30 ditë që ta kundërshtojnë aktakuzën.
