Në këtë garë kanë garuar studentët e UP-së dhe studentë nga Univeristeti Shtetëror i lowa-s, SHBA, raporton teve1.info
Ekipi i studentëve të FIEK-ut me emrin “Runtime TERROR” është renditur në vendin e parë duke lënë prapa për gati 120 pikë ekipin “Hydropumb”, nga SHBA-ja.
Ndërsa, një ekip tjetër i studentëve i emërtuar “It’s not a bug, it’s a feature”, është renditur në vendin e tretë të kompeticionit.
Kjo është e gara e parë e llojit të tillë në Kosovë, ku pjesëmarrëse ishin 12 ekipe (me rolin mbrojtës të njohur si “blue teams”) nga institucione të ndryshme arsimore (universitete, kolegje dhe shkolla të nivelit të pestë të studimeve) në vend. Ekipet garuese kanë punuar në mbrojtën e resurseve digjitale (si: server, kompjuter, shërbime në internet, etj.) nga “sulmuesit” (red teams) që janë nga shteti i Iowa-s. Për më shumë, një ekip monitorues “White team” nga Iowa ka qenë i pranishëm në Kosovë dhe së bashku me pjesëtarët e FSK-së kanë monitoruar garën gjatë tërë kohës.
E pranishme në këtë ngjarje ishte edhe ministrja e Arsimit, Shkencës, Teknologjisë dhe Inovacionit, znj. Arbërie Nagavci, e cila përgëzoi studentët për suksesin e treguar.
