Në Kuvendin e Republikës së Kosovës po vendoset flamuri kuq e zi.
Deputetja nga Vetëvendosje, Albulena Haxhiu e vendosi këtë simbol afër vendit ku do të qëndronin dy të parët e partisë, Albin Kurti dhe Glauk Konjufca.
Me vendosjen e flamurit, rreth kryetarit Kurtit u mblodhën edhe disa deputetë të tjerë.
Seanca, mbase nuk po shkonte ashtu siç Kurti me bashkëpunëtorë e kishin planifikuar.
Pas dështimit të miratimit të raportit për verifikimin e mandateve të deputetëve, partia fituese u pa në tension.
Kurti vazhdonte bisedat me secilin prej tyre veç e veç, me disa nga larg e me disa në vesh.
Situatë e tensionuar ishte edhe në karriget e anës së djathtë.
Partnerët e koalicionit AAK-Nisma, Ramush Haradinaj dhe Fatmir Limaj, nuk e shkëmbyen asnjë fjalë.
Megjithatë, Limaj u kujdes që t’i përshëndeste deputetët e Lidhjes Demokratike të Kosovës.
E në këtë seanca, të pranishëm ishin edhe deputetët që kanë të regjistruara më së shumti mungesa, ata të Listës Serbe.
Brenda këtyre minutave, aktiv me mesazhe në telefonin e tij, ishte deputeti i Iniciativës së Re Demokratike, dhe ministri në detyrë, Elbert Krasniqi.
“Në grup multietnik po flitet që edhe Vetoni është propozua për ministër, a është e vërtetë?
“Jo”
Faleminderit. S’kemi marrëveshje për nënkryetar të komuniteteve”.
E pas dështimit, deputetët e të gjitha partive politike lëshuan sallën.
