Analisti, Nexhmedin Spahiu beson që tani është shansi i fundit për kryetarin e Nismës Socialdemokrate, Fatmir Limajn për ta dëshmuar vetën në politikën vendimmarrëse.
Sipas Spahiut nëse Limaj dëshiron të tregojë veten më mirë politikisht, tashmë e ka shansin në dorë.
“Besoj që është shansi i fundit për Limajn por është një shans jashtëzakonisht i mirë për ta arritur këtë sukses nëse dëshiron, nëse e ka synimin e hajrit, nëse vërtetë dëshiron të tregoj veten, më mirë sesa në këtë rast vështirë se mund t’i paraqitet ndonjë politikani”, ka thënë ai në emisionin “Info Nata” në Tëvë1.
Ai ka shtuar se nëse në Qeverinë Kurti ministrat e Nismës tregohen të suksesshëm marrin shumë pikë.
“Interesi i përbashkët i numrave është i madh edhe për Vetëvendosjen sepse pa Nismen nuk mund ta bëjë qeverinë por edhe i Nismes është një rast që me pak deputetë merr pushtet edhe ka shans të tregohet. Nëse në Qeverinë Kurti ministrat e Nismes tregohen të suksesshëm marrin shumë pikë”, ka shtuar ai.
