Interpoli e ka mohuar kërkesën e gjykatës boshnjake për të lëshuar urdhër-arrest ndërkombëtar për Millorad Dodik, i cili akuzohet për prishje të rendit kushtetues dhe dalje jashtë vendit në kundërshtim me urdhrin e gjykatës.
Interpoli nuk ka pranuar të komentojë, por gjykata shtetërore e Bosnjës ka konfirmuar për Reuters se një Njoftim i Kuq, një alarm i lëshuar zakonisht për të arratisurit ndërkombëtarë, nuk kishte hyrë në fuqi.
Pas kësaj ka reaguar presidenti i Republikës Sërpska i cili ka thënë për Tanjug se refuzimi i kërkesës së Gjykatës së Bosnjës dhe Hercegovinës që Interpoli të lëshojë një urdhër për të dhe kryetarin e Kuvendit të RS Nenad Stevandiq është dëshmi se ky është një proces i motivuar politikisht.
Më 26 shkurt, Gjykata e Bosnjës dhe Hercegovinës dënoi Milorad Dodik me një vit burg dhe gjashtë vjet ndalim për të kryer funksione publike për injorimin e vendimeve të Përfaqësuesit të Lartë për BeH Kristijan Šmit, dhe një ditë më vonë Gjykata konfirmoi se një urdhër ishte lëshuar në Zyrën e Interpolit të Sarajevës për të lëshuar një urdhër ndërkombëtar për Dodik dhe Stevandiq
