Politologia, Arta Tahiri –Beqaj ka thënë se aneksat e Lëvizjes Vetëvendosje për rezultatet zgjedhore janë strategji për të blerë kohë deri në sigurimin e votave apo deputetëve që ia mundësojnë formimin e qeverisë.
Ajo në emisionin “Këndi i Debatit” në Tëvë1 ka thënë nëse LVV do t’i kishte 51 përqind të votave nuk do të kishte vonesa të tilla.
“Lëvizja Vetëvendosje po kërkon kohë deri në kalkulimin e krijimit të votave të cilat do t’i mundësonin asaj për ta formuar qeverinë. Sikurse LVV t’i kishte 51 % të votova sot ish harru punua edhe numërimit edhe ankimimit , sot do të ishte qeveria e re”, ka thënë ajo.
PZAP ka hedhur poshtë kërkesën e LVV-së për rivotim me postë dhe rinumërim të votave në Skenderaj.
Por, Tahiri -Beqaj ka thënë se ankesa e Vetëvendosjes ka qenë absurde.
“Në formulimin e ankesës së Vetëvendosjes ka diçka absurde. Pika e tretë thotë të anulohen të gjitha votat të shkohet në rinumërim, që është absurde dhe thotë t’i hiqet, largim nga lista e kandidatit i cili ka marrë më së shumti vota në këtë rast”, ka thënë ajo.
Pas refuzimit nga PZAP, Vetëvendosje ka paralajmëruar ankesë në Gjykatën Supreme.
