Duke u dhënë fund dekadave të neutralitetit ushtarak të shtetit, lëvizja shënon hapin formal nga Stokholmi drejt bashkimit me aleancën ushtarake.
Ndërkaq, kjo erdhi në kohën kur Rusia po vazhdon ende luftën e saj në Ukrainë.
“Kjo është diçka e madhe, diçka serioze dhe duket sikur kemi arritur në përfundimin më të mirë për Suedinë. Nuk e dimë se sa do të marrë aplikimi ynë, mirëpo ne e kemi llogaritur se kjo mund të marrë deri në një vit. Këtë javë aplikimi ynë do të dorëzohet, bashkë me atë të Finlandës dhe pastaj do të procedohet në NATO”, ka thënë Linde pas nënshkrimit të aplikimit.
Teksa, kryeministrja e Suedisë, Magdalena Andersson, tha se për të garantuar sigurinë e popullit suedez, vendi duhet t’i bashkohet NATO-s së bashku me Finlandën fqinje.
