Një i mitur është arrestuar pasi dyshohet se ka plagosur me armë zjarri pas një mosmarrëveshje një person tjetër.
Rasti ka ndodhur të mërkurën në Rr. ‘Shefqet Alija’ në Gjakovë.
“Rr. Shefqet Alija, Gjakovë 05.03.2025-14:00. Është arrestuar i dyshuari mashkull kosovar i mitur, pasi që i njëjti pas një mosmarrëveshje kishte plagosur me armë zjarri viktimën mashkull kosovar. Në vendin e ngjarjes janë gjetur dhe sekuestruar një pistoletë dhe dy gëzhoja. Viktima është dërguar për tretman mjekësor”, thuhet në raportin e policisë.
Me vendim të prokurorit pas intervistimit i dyshuari është dërguar në mbajtje.
