Është hera e dytë që po merr terapi në Klinikën e Onkologjisë në Qendrën Klinike Universitare të Kosovës.
Njëri nga pacientet që po trajtohet kështu është Bedri Ramadani.
Ai këtu ka vërejtur vetëm një problematikë.
“Super, sot është hera e dytë por po më duket pak personel e shumë pacientë ajo vetëm ajo”, shprehet ai.
Ramadani madje është i kënaqur me shërbimet që po i merr.
“Shumë shumë shumë motrat sillen mirë”, thotw ky pacient.
E dikush kthehet në këtë klinikë edhe kur përfundon terapinë.
“Gjithmonë më thonë Arnisa tash ti je mirë, mos u kthe prapë në onkologji. Ani pse unë vij këtu e marr zometen (lloj medikanti), eja si një person jo si paciente”, thotw Arnisa Osmani.
Drejtori i Onkologjisë, Ilir Kurtishi thotë që janarin e vitit 2025 janë regjistruar rreth 180 raste me kancer.
“Viti 2024 në klinikën e Onkologjisë janë regjistruar rreth 2150 raste sa në vitin 2023. Ndërkaq në muajin janar numri ka qenë përafërsisht i njëjtë me muajin janar 2024 dhe janë rreth 180 raste të reja të cilat ne i kemi identifikuar e kemi filluar trajtimin e tyre në klinikën e Onkologjisë. Kjo shihet se është një trend stabil pra jo një ngritje në krahasim me vitin 2022 e 2021”, thotë ai.
Tutje Kurtishi tregon cilët janë llojet më të shpeshta të kancerit që trajtohen në klinikën e Onkologjisë.
“Dominon kanceri i gjirit te femrat është kanceri më i shpeshtë që ne e trajtojmë dhe e hasim në klinikë. E gati çdo muaj rreth 40 – 45 femra identifikohen dhe trajtohen në klinikën e Onkologjisë. Kurse tek meshkujt pra vazhdon të jetë kanceri i mushkërive, dhe çdo muaj pacient shumica meshkuj por edhe femra rreth 20-25 nga ta janë me kancer të mushkërive dhe pastaj vijnë tumoret e organeve të tjera sidomos organeve të zorrës së trashë dhe organeve gjenitale tek femrat kanceri i qafës së mitrës dhe vezoreve”, shprehet Kurteshi.
Në klinikën e Onkologjisë në periudhën janar- shkurt rreth 80-85 femra identifikuar me kancer të gjirit.
