Prokuroria Themelore në Gjilan ka njoftuar se ka kërkuar paraburgim ndaj një personi të dyshuar për keqpërdorim të pozitës apo autoritetit zyrtar.
Sipas kërkesës, ekziston dyshimi i bazuar se i pandehuri S.S., më 12 nëntor 2020, në komunën e Parteshit, ka keqpërdorur detyrën e tij zyrtare, në atë mënyrë që duke përdorur vulën zyrtare të Republikës së Kosovës ka konfirmuar certifikatën e të qenit gjallë të gjendjes civile dhe të vendbanimit të tani të ndjerës D.S., edhe pse e njëjta ka qenë e vdekur, ku në këtë mënyrë ka mundësuar marrjen e pensionit të shtetit zviceran personit tjetër në vlerë prej 22.192 Fr.Zvicerane.
I njëjti me urdhër të prokurorit thuhet se gjendet nën masën e ndalimit 48 orësh.
