Avokati, Visar Rrecaj konsideron që partitë politike në Kosovë po kanë problem kur po humb lideri i tyre dhe se secila prej tyre ka pasur probleme t’i fitojë zgjedhjet kur ka pasur ndërrim të liderëve.
Sipas tij gabimi i tyre është që në një periudhë katër, pesë ose dhjetë vjeçare nuk e krijojnë edhe një ose dy liderë potencial të rinj që do të vazhdonin frymën e asaj partie.
“Unë mendoj që partitë politike po kanë problem kur po iu humb lideri. Secila parti në Kosovë ka pasur probleme ti fitojë zgjedhjet kur ka pasur ndërrim të liderëve. Mirëpo çfarë nuk po bëjnë mirë këto parti politike secila prej tyre që për një periudhë katër vjeçare, pesë vjeçare ose dhjetë vjecare nuk e krijojnë edhe një lider ose dy liderë potencial të rinj që do të vazhdonin frymën e asaj partie, kështu që ky është gabimi i secilës parti politike që në kuadër të punës së vet nuk e krijon edhe një djalë apo vajzë të re që në të ardhmen do të jetë lider”, ka thënë ai në emisionin “Info Nata” në Tëvë1.
