Politologu, Avdi Smajljaj vlerëson se asnjëri nga deputetët të cilët kanë qenë pjesë e legjislaturës së kaluar nuk kanë merituar të rizgjedhen sërish.
Smajljaj në emisionin “Këndi i Debatit” në Tëvë1 ka thënë se për këtë bazohet në punën që e kanë bërë në kuvend përgjatë katër viteve si dhe në lidhjen që kanë pasur me qytetarët.
Sipas tij deputetët e rinj që do të hyjnë në kuvend janë vetëdijësuar dhe do të jenë shumë më afër qytetarëve për t’i mbrojtur interesat e tyre.
“Nëse mund ta bëj një vlerësim të tillë mendoj që asnjë prej deputetëve që kanë qenë në legjislaturë në rast se e sheh punën që e kanë bërë në përgjithësi nuk besoj që kanë merituar të rizgjedhen. Nëse e merr për bazë lidhjen që e mbajnë me qytetarin për katër vite do të thotë e takojnë njëherë në fushatë dhe më nuk e takojnë asnjëherë ndoshta ka ndonjë rast të rrallë, pra nëse e shohim substancën e kësaj lidhjeje mes deputetëve dhe votuesve asnjë prej deputetëve nuk mendoj që kanë merituar të rizgjedhen. Në rast se e sheh punën që e kanë bërë në kuvend shumica që janë dalluar ndoshta për shkak të një retorike në kuvend, ndoshta për shkak të një aftësie për të përdorur fjalë të mira në kuvend, ndoshta edhe për shkak të një gjuhe konfliktuoze nga e cila qytetari ska përfituar asgjë, ndaj mendoj që nuk është ndonjë diçka e madhe pse kanë ngelë jashtë në përgjithësi po flas dhe se kanë hyrë disa të tjerë Të tjerët që kanë hyrë besoj që janë vetëdijësuar dhe do të jenë shumë më afër qytetarit për t’i mbrojtur interesat e tyre sepse për atë janë në kuvend”, ka thënë ai./teve1.info/
